Barlyq problemany tek densaýlyq saqtaý júıesi arqyly sheshý múmkin emes - E. Baıjúnisov
ASTANA. 21 qańtar. QazAqparat - Bizdiń emhanalarda kún saıyn 417 myń 880 adam qaralady. Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý vıtse-mınıstri Erik Baıjúnisov osylaı aıtty.
«Bir jylda bizdiń emhanalarda 110 mln. 989 ret, ıaǵnı kún saıyn 417 myń 880 adam qaralady. Sondyqtan halyqtyń osyndaı eleýli bóligine medıtsınalyq kómek kórsete otyryp, biz medıtsınalyq memlekettik organ retinde bir mezette barlyq problemany sheshe almaımyz»,-dedi vıtse-mınıstr.
Osy oraıda ol eki jyl buryn Densaýlyq saqtaý mınıstrligi júıede qordalanǵan máselelerdi sheshý turǵysynda qoǵamdyq uıymdardy belsendi tartý boıynsha naqty aıqyndalǵan baǵyt-baǵdarǵa jol bastaǵanyn atap ótti.
«Adamnyń densaýlyǵynyń 50 paıyzy onyń salaýatty ómir saltyna qatysty. Densaýlyq saqtaý júıesine tek 10 paıyzy ǵana tıesili. Sondyqtan da barlyq problemany tek densaýlyq saqtaý júıesi arqyly sheshý múmkin emes»,-dep túıdi E. Baıjúnisov.
