Barlyq problemalyq másele bıznespen birlesip sheshilýde - QR Premer-Mınıstri
NUR-SULTAN. QazAqparat – Barlyq problemalyq másele boıynsha bıznespen birlesip sheshim qabyldanýda. Bul týraly Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.
«Bıznes ókilderiniń qatysýymen Úkimet janynan Daǵdarysqa qarsy is-sharalar jónindegi jedel shtab jumys istep jatqanyn atap ótkim keledi. Biz barlyq problemalyq máseleler boıynsha bıznespen birlesip sheshim qabyldap otyrmyz», - dedi Úkimet basshysy.
Osyǵan oraı Álıhan Smaıylov «Atameken» Ulttyq palatasy memlekettik organdarmen birge Shtab otyrysynda sheshim qabyldaý úshin bıznestiń máselelerin shuǵyl túrde engizip otyrýy tıis ekendigin basa aıtty.
«Baqylaý men úılestirý jetekshilik etetin salalary boıynsha Premer-Mınıstrdiń orynbasarlaryna júkteledi», - dedi Úkimet basshysy.
