Barlyq partııany teń básekelesimiz dep esepteımiz - Elnur Beısenbaev

ASTANA. QazAqparat – AMANAT partııasy aldaǵy Májilis saılaýynda barlyq saıası partııany teń básekeles sanaıdy. Bul týraly atalǵan partııanyń atqarýshy hatshysy Elnur Beısenbaev aıtty, dep habarlaıdy QazAqparat tilshisi.

«Partııalyq tizim boıynsha qazir Májiliske 69 adam, ıaǵnı 100 paıyzdyń 70 paıyzy ǵana óte alady. Árıne, biz eń iri saıası partııa retinde onyń kópshilik ornyn alýǵa úmitimiz bar. Halyq bizdi qoldaıdy dep senemiz. Saılaý qorytyndysy boıynsha partııamyzdyń saıası bıýrosymen jáne kandıdattarmen aqyldasyp, kim deptýtat bolatyndyǵy sheshiledi», - dedi Elnur Beısenbaev Ortalyq saılaý komıssııasynda uıymdastyrylǵan brıfıng barysynda.

Sonymen qatar ol BAQ ókilderiniń «aldaǵy saılaýda qaı partııany basty básekeles sanaısyzdar?» degen saýalyna jaýap berdi.

«Biz úshin barlyq saıası partııa básekeles. Bul - básekelesetin orta, saıası saılaý naýqany. Sol sebepten biz barlyq saıası partııany teń básekelesimiz dep esepteımiz», - dedi partııanyń atqarýshy hatshysy.

Esterińizge sala ketsek, búgin Ortalyq saılaý komıssııasy AMANAT partııasynyń Májilis depýtattyǵyna kandıdattarynyń 90 adamnan turatyn partııalyq tizimin tirkegen bolatyn.

Foto: parlam.kz