Barlyq óńirde kómir tapshylyǵy bolmaıdy - Atamqulov

NUR-SULTAN. QazAqparat – Osy jyldyń 8 aıynda elimizde 68 mln tonna kómir óndirildi. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Mınıstrlik apta saıyn halyqty jáne kommýnaldyq-turmystyq sektordy kómirmen qamtamasyz etý boıynsha monıtorıng júrgizip otyr. Kómir óndirýshi kompanııalardyń jedel derekteri boıynsha 2021 jylǵy qańtar-tamyzda shamamen 68 mln tonna kómir óndirildi. Bul ótken jyldyń tıisti kezeńimen salystyrǵanda 98,5 paıyzdy quraıdy», - dedi Beıbit Atamqulov.

Onyń atap ótýinshe, «Bogatyr kómir» «Shubarkól kómir» jáne «Qarajyra» syndy iri kómir kompanııalary kómir óndirýdi arttyrǵan.

«Jalpy, barlyq óńirlerde jetkilikti mólsherde kómir qory jınaqtalǵan, dúrlikpe men tapshylyq bolmaıdy. Temirjol kóligi parki kómirdi tolyq kólemde tasymaldaýdy qamtamasyz etedi», - dedi ol.