Barlyq óńirde kiris boıynsha jospar asyra oryndaldy – mınıstr

NUR-SULTAN. Qaz-Aqparat – Jergilikti bıýdjetterdiń kirisi 136,7% atqarylyp, 1,3 trln teńgeni qurady. Bul týraly Úkimet otyrysynda QR Qarjy mınıstri Erlan Jamaýbaev aıtty, dep habarlaıdy QazAqparat tilshisi.

«Bıyl álemde ekonomıkalyq jaǵdaıdyń birtindep qalypqa kelýi eksporttyq taýarlar baǵasynyń orta eseppen 2,5% ósýine áser etti. Sonymen qatar, bıyl qosylǵan qun salyǵyn qaıtarýdyń 1,6 esege ósýi esebinen ishki tutyný taýarlaryna qosylǵan qun salyǵy boıynsha jospar oryndalmaǵan», - deıdi Erlan Jamaýbaev.

Onyń aıtýynsha, jergilikti bıýdjetterdiń kirisi 136,7% atqarylyp, 1,3 trln teńgeni qurady.

«Jospar 351 mlrd teńgege, onyń ishinde salyq boıynsha 319 mlrd teńgege asyra oryndaldy. Barlyq óńirde kiris boıynsha jospar asyra oryndalǵany baıqalyp otyr», - deıdi ol.