Barlyq mektepterde shahmat mindetti pán retinde engiziledi
ASTANA. QazAqparat - Jańa oqý jylynan bastap Meksıkada shahmat oıynyna mashyqtandyrý mindetti baǵdarlama retinde engiziledi.
Bul týraly Halyqaralyq shahmat federatsııasynyń prezıdenti Kırsan Ilıýmjınov habarlady.
«Mekteptegi shahmat» baǵdarlamasy Meksıkanyń barlyq 200 myń mektebin qamtymaq. Osy oraıda biz shahmatty mektep baǵdarlamasyndaǵy mindetti pán retinde engizemiz»,-dedi ol Mehıkodaǵy kelissózderden keıin.
Shahmatty oqytý boıynsha federatsııanyń bastamasy bes jyl buryn qabyldanǵan bolatyn. 2012 jyly ony júzege asyrýǵa álemniń túrli elderinde 2,5 mln. dollar qarjy jumsalǵan kórinedi. Jaqyn arada Meksıkaǵa shahmattyń bilikti jattyqtyrýshylaryn jiberý josparlanyp otyr.
Sonymen qatar Kırsan Ilıýmjınov aldaǵy ýaqytta ıÝNESKO-men shahmatty negizgi bilim berý jáne mádenı quramdaýyshy retinde osy uıymnyń baǵdarlamasyna engizý týraly kelisimge qol qoıylatyndyǵyn jetkizdi.
