Barlyq ishki ister organdarynda senim telefondary qyzmet etedi - Іshki ister mınıstri
ASTANA. Qazannyń 30-y. QazAqparat /Quralaı Orynbekqyzy/ - Barlyq ishki ister organdarynda senim telefondary qyzmet etedi.
Bul týraly búgin QR Іshki ister mınıstri Serik Baımaǵanbetov aımaqtarmen konferentsbaılanys formatynda ótken Jemqorlyqpen kúres jónindegi respýblıkalyq qoǵamdyq keńestiń kóshpeli 11-shi otyrysynda osylaı aıtty, dep habarlaıdy QazAqparat tilshisi.
«Olardyń sany 340-tan asady. Halyq arasynda da keńinen taraǵan. Polıtseılerdiń quqyqbuzýshylyq is-áreketteri týraly anyqtalǵan derekter boıynsha 74 qyzmetker jazalandy. Olardyń tórteýi óz qyzmet laýazymynan bosatylyp, 17-si jumystan shyǵaryldy», dep atap ótti S.Baımaǵanbetov.
Mınıstrdiń aıtýynsha, azamattyq qoǵammen qarym-qatynasty damytýda ІІM janynan qurylǵan Polıtsııa qyzmetin baqylaý jónindegi qoǵamdyq keńestiń mańyzy zor. «Oǵan elimizdiń tanymal qoǵamdyq-saıası qaıratkerleri, Parlament depýtattary, advokattar men jýrnalıster kirdi. Osyndaı Qoǵamdyq keńester barlyq aımaqtyq ishki ister departamentteriniń janynda qyzmet etedi. Olardyń negizgi maqsaty - polıtseıler arasynda sybaılas jemqorlyqtyń aldyn alý jóninde usynymdar jasaý»,- dedi mınıstr.
