Barlyq ishki aǵzalarynyń orny aýysyp ketken áıel kóz jumdy - CNN

NUR-SULTAN. QazAqparat - Barlyq ishki aǵzalarynyń orny aýysyp ketken áıel 99 jasynda kóz jumdy. Bir qyzyǵy ol óziniń aǵzasyndaǵy osyndaı erekshelik týraly múldem bilmegen bolyp shyqty, dep jazady CNN.

«Naýryz aıynda bir top medıtsına oqý ornynyń stýdentteri anatomııa páninde máıithanaǵa baryp, 2018 jyldyń sońynda kóz jumǵan 99 jastaǵy áıeldiń dene músheleri boıynsha torııany praktıka júzinde bekitpek bolǵan. Sol kezde olar professormen birge bul áıeldiń barlyq ishki aǵzalarynyń orny aýysqanyn baıqaıdy. Professordyń aıtýynsha, mundaı jaǵdaı 50 mıllıon adamnyń arasynda bireýinde ǵana kezdesedi», dep jazady basylym.

Teksere kele, áıeldiń denesinde oń jaqta bolý kerek ishki aǵzalarynyń barlyǵy sol jaǵynda, sol jaqta turý kerekteri oń jaqta bolyp shyqqan.

«Júrektiń oń jaqta bolý anomalııasy júktiliktiń 30-45 kúninde paıda bolady jáne onyń sebebi áli belgisiz. Bul 22 000 balanyń bireýinde kezdesedi. Olardyń tek 5-13%-y bes jastan asady. Tarıhta 13 jáne 73-jasqa deıin ómir súrgen eki adam belgili. Bir qyzyǵy, osyndaı anomalııaǵa qaramastan Bentlı atty áıeldiń densaýlyǵy jaqsy bolǵan», dep jazylǵan maqalada.