Barlyq fılmder tekserýden ótedi
ASTANA. 27 sáýir. QazAqparat - QR aýmaǵyna ákelingen jáne elimizde shyǵarylǵan barlyq fılmder kórermenderdiń jas shegine qaraı ındeksteledi, dep habarlaıdy Mádenıet jáne aqparat mınıstrliginiń saıty.
2011 jyldyń qańtarynan bastap ındeks 3653 fılmge taǵaıyndaldy. Atalǵan Zańda fılmder ındeksatsııasynyń 6 kategorııasy belgilengen: «K» - ártúrli jastaǵy kórermenderge arnalǵan fılmder, «BA» - on eki jasqa tolǵan balalarǵa kórsetýge ruqsat berilgen fılmder, «B14» - on tórt jasqa deıingi balalarǵa ata-analarymen birge kórýge usynylatyn fılmder, «E16» - on alty jasqa deıingi kórermenderge ata analarymen birge kórýge usynylatyn fılmder, «E18» - on segiz jastan asqan kórermenderge arnalǵan fılmder, «NA» - jıyrma bir jasqa tolǵan kórermenderge ǵana arnalǵan fılmder.
«Mınıstrliktiń quzyryna fılm ındeksin anyqtaýdyń krıterıılerin bekitý jatady. Atalǵan krıterıılerdi ázirleý barysynda, halyqaralyq tájirıbe jan-jaqty zerdelenip, sonymen qatar qazaqstandyq kınodıstrıbıýterler, kıno taratýshylar jáne qoǵamdyq birlestikter tartyldy. Aryz-shaǵymdar túsken joq. Qyzmet ýaqytymen jáne sapaly kórsetilip keledi», - deıdi mınıstrlik.
