Barlyq eskertkishterimizdiń ishindegi «Qazaq eli» monýmenti negizgi eskertkish - Ábdimálik Nysanbaev

Sondyqtan, bul monýmenttiń keleshek úshin, halyq úshin     úlken mańyzy bar.   QR ǴA akademıgi,  fılosofııa ǵylymdarynyń doktory Ábdimálik Nysanbaev QazAqparat tilshisine bergen suhbatynda osylaı aıtty.

 «Ózimizdiń atymyz - Qazaq eli. Konstıtýtsııada, barlyq jerde «Qazaqstan» degen sóz bylaısha alǵanda «Qazaq eli» degen sóz. Qazaqstan Respýblıkasy dep atalady. Al shyn máninde - «Qazaq eli», Qazaq eliniń Respýblıkasy dep atalady. Astanada ornatylǵan keremet bıik «Qazaq eli» eskertkishi eldigimizdiń, táýelsizdigimizdiń, qazaq eliniń álemge adal baǵytyn  bildirip turatyn monýment. Monýmenttiń bizder úshin, jas urpaq úshin úlken mańyzy bar. Birinshiden,  Qazaq eli máńgi. Qazaq eli máńgi turǵanda monýment máńgi tura beredi. Men oılaımyn, ol  monýment tek qazaqtardy ǵana emes, barlyq qazaqstandyqtardy toptastyrady. Teledıdardan eskertkishtiń ashylý saltanatyn kórgende, alańǵa qanshama myń adam, barlyq ulttyń, dinniń ókilderi  jınalǵanynyń kýási boldyq. Qazaqstan - kóp ultty el. Sondyqtan, barlyq eskertkishterimizdiń ishindegi «Qazaq eli» monýmenti negizgi eskertkish. Qazaqstandy kórsetip turǵan, álemge pash etip turǵan mundaı eskertkishtiń halqymyz úshin, elimiz úshin, bolashaq urpaq úshin mańyzy zor. Biz 50-100 jyldan keıin ketemiz. Bul ómir zańy. Al, bul eskertkish máńgilik tura beredi, onymen birge Qazaqstan turady, qazaq halqy turady. Eskertkishtiń mańyzy da osynda.  Ahmet Baıtursynov keremet aıtqan: «Búgingi zaman, ótken zamannyń balasy, bolashaq zamannyń atasy» dep. Bolashaq zamandy,  ótken zaman men búgingi zamandy baılanystyryp turǵan osy - «Qazaq eli» monýmenti. Sondyqtan, bul monýmenttiń keleshek úshin, halyq úshin     úlken mańyzy bar. Biz ary qaraı «Qazaq eli» monýmentin, negizgi eskertkishti qasterlep, nasıhattaýymyz kerek dep oılaımyn», deıdi  Ábdimálik Nysanbaev.