Barlyq derlik óńirde senbi jaýyn-shashynsyz bolady
NUR-SULTAN. QazAqparat – 1 aqpan kúni de Qazaqstannyń barlyq derlik aýmaǵy soltústik-batys antıtsıklonynyń yqpalynda bolady. Soǵan baılanysty respýblıkanyń basym bóliginde jaýyn-shashynsyz aýa raıy saqtalady. Respýblıkanyń tek batysy atmosferalyq fronttardyń áserinde bolatyndyqtan jaýyn-shashyn kútiledi. Keı jerlerde tuman, kóktaıǵaq, ońtústik-shyǵysta jáne soltústik-batysta jeldiń kúsheıýi saqtalady, dep habarlaıdy QazAqparat.
«Qazgıdromet» RMK málimetinshe, Jambyl, Túrkistan, Qyzylorda, Manǵystaý, Atyraý, Batys Qazaqstan, Qaraǵandy, Shyǵys Qazaqstan oblystarynyń keı jerlerinde tuman kútiledi. Atyraý, Batys Qazaqstan oblystarynyń jekelegen aýmaqtarynda kóktaıǵaq boljanady.
Almaty oblysynyń Jalańashkól aýdanynda jel 17-22, kúndiz ekpini 27 m/s kúsheıedi, túnde jáne tańerteń keı jerlerin tuman basýy yqtımal.
Aqtóbe oblysynda túnde Muǵaljar aýdanynda jeldin ekpini 18 m/s artady.
