Barlyq bilim berý uıymy «bultty býhgalterııaǵa» kóshýi tıis - mınıstrlik
«Oqýshy oryndary sanyn ulǵaıtý úshin 2022 jyly 200 mektep qurylysy josparlanǵan. Mehanızmi retinde bıýdjetten nysanaly qurylys, memlekettik-jekemenshik seriktestik arqyly, sondaı-aq jekemenshik mektepterde memlekettik bilim berý tapsyrysyn ornalastyrý kózdelgen. Qurylys jumystary ákimdikterdiń quzyrynda zańdy túrde júrgiziledi. Qarjylandyrýdyń ashyqtyǵyn qamtamasyz etý jáne tıimdiligin arttyrý maqsatynda barlyq bilim berý uıymy «bultty býhgalterııaǵa» kóshýi tıis», - dedi Bıbigúl Asylova mınıstrliktiń keńeıtilgen alqa otyrysynda.
Sonymen qatar ol balalardyń quqyǵyn qamtamasyz etý baǵytynda qabyldanǵan memlekettik sharalardyń nátıjesinde elimizdegi balalar úıi tárbıelenýshileriniń 81 paıyzy otbasyda ómir súrý quqyǵyna ıe bolǵanyn aıtty.
«Balalar úıiniń sany 30-ǵa deıin qysqardy. 2021 jyly taǵy 2 balalar úıi, qıyn jaǵdaıǵa tap bolǵan balalardy qoldaýǵa baǵyttalǵan 1 ortalyq, 1 bóbekter úıi jabyldy. Búginde jetim balalarǵa arnalǵan uıymdarda 4 myńǵa jýyq tárbıelenýshi turady. Biz jaıly jaǵdaı jasaýdy baqylaý úshin de, sondaı-aq balalardyń otbasynda tárbıelenýi úshin de jumysty jalǵastyratyn bolamyz», - dedi vıtse-mınıstr.
