Barlyq aýyldarda 4G ınterneti bolady - Abaev
Bul týraly búgin QR Parlamenti Májilisindegi jalpy otyrysta QR Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat.
«Qazirgi kezde jyl sońyna deıin radıojıilikti stansalardyń qurylysyn josparlap otyrmyz. Elimizdiń barlyq aýdan ortalyqtaryn 4G standartyndaǵy ınternetpen qamtamasyz etpekpiz. Bul óz kezeginde sapaly ári jyldamdyǵy joǵary jelini iske qosýǵa múmkindik beredi. Jalpy, bul baǵyttaǵy jumystar jalǵasýda. Biz sandyq teńsizdik boıynsha alshaqtyq máselesin túsinýdemiz, ıaǵnı qala men aýyl arasynda osyndaı jaǵdaı qalyptasyp otyr. Aldaǵy eki jylda jumystardyń birinshi kezeńin aıaqtaıtyn bolamyz»,-dedi D. Abaev.
Osy oraıda ol atqarylatyn sharalar eki kezeńdi qamtyp otyrǵanyn jetkizdi. Birinshisinde, 2017-2019 jyldary 1 291 aýyl ınternetke qosylady dep kútilýde. Al ekinshi kezeń aıasynda 2020-2025 jyldarda shamamen 4 myńǵa jýyq eldi meken qamtamasyz etiledi.
Atap aıtqanda, birinshi kezeńde 2 mln. turǵynnan astam, sondaı-aq kelesi kezeńde 1,5 mln. adam qamtylatyn bolady
