Barlyq ákimdikter saılaýshylardyń tizimin 28 aqpanǵa deıin jasaqtap bitýi tıis - Q.Turǵanqulov
«Birinshiden, bizderge QR Konstıtýtsııasyna, Saılaý týraly konstıtýtsııalyq zańǵa jáne qabyldanǵan halyqaralyq mindettemelerge sáıkes ashyq, erkin jáne demokratııalyq saılaýdyń ótýin qamtamasyz etý qajet. Bul máselege bizder basa nazar aýdaryp, aıryqsha mán berýimiz kerek», - dedi Q.Turǵanqulov.
Onyń aıtýynsha, ekinshiden, saılaý ýchaskeleriniń, ásirese ýchaske músheleriniń júıeli oqytylýyn uıymdastyrý qajet. Óıtkeni, saılaý komıssııasy músheleriniń kásibıligine jáne saılaý protsesin uıymdastyrýshylardyń quqyqtyq saýattylyǵyna kóptegen jaıttar táýeldi.
«Úshinshiden, saılaýshylardyń senimdi tizimin daıyndaý jaýapkershiligi jergilikti atqarýshy organdarǵa júkteledi. Ózderińiz de biletindeı, saılaýshylar tizimin ózektendirý jumystary belsendi júrgizilip, oǵan qoldaǵy barlyq resrýstar jumyldyrylýda», - dedi ol.
Sonymen qatar OSK tóraǵasy ýchaskelik saılaý komıssııalary saılaýǵa deıingi 15 kúnniń ishinde saılaýshylardyń tizimmen tanysýyna múmkindik jasaýy tıistigin basa aıtty.
«ıAǵnı, bizdiń jaǵdaıda 4 naýryzdan bastap múmkindik berýi qajet. Al ákimdikter 28 aqpanǵa deıin bul jumystardy tolyǵymen aıaqtap, akti boıynsha tizimdi sáıkesinshe saılaý komıssııasyna usynýy tıis», - degen OSK tóraǵasy, tórtinshiden, janjaldy jaǵdaılarǵa jáne saılaý zańnamasyn buzýǵa jol bermeý qajettigin aıtty.
