Barlyq 10 164 saılaý ýchaskesinde daýys berý bastaldy - OSK
«Oblystyq, Astana, Almaty, Shymkent qalalarynyń komssııalary usynǵan jedel derekterge sáıkes, astana ýaqytymen saǵat 8.00-degi jaǵdaı boıynsha barlyq óńirde 10 146 ýchaske daýys berýge kiristi. Sondaı-aq 17 shet memlekettegi Qazaqstan Respýblıkasynyń shet memleketterdegi ókildikteri janyndaǵy 18 ýchaskede daýys berý bastaldy. Osylaısha, qazirgi ýaqytta daýys berý 10 164 saılaý ýchaskesinde ótýde», - dedi Muhtar Erman.
Aıta keterligi, saǵat 10.00-den bastap ár eki saǵat saıyn Ortalyq saılaý komıssııasy azamattardyń daýys berýine qatysty derekterdi jarııalap otyrady.
Buǵan deıin astana ýaqytymen saǵat 07.00-degi jaǵdaı boıynsha óńirlerde 8 272 ýchaske ashylǵanyn jazǵan edik. Sondaı-aq Qazaqstan Respýblıkasynyń 12 shet memlekettegi 13 ýchaskesinde daýys berý ótip jatyr. Al 92 ýchaskede aýmaqtyq komıssııalardyń Konstıtýtsııalyq zań aıasynda qabyldanǵan sheshimderine sáıkes, daýys berý tańǵy saǵat 06.00-de bastalǵan bolatyn.
