Barlyǵymyzdy til biriktiredi - Elbasy

NUR-SULTAN. QazAqparat - QR Tuńǵysh Prezıdenti – Elbasy Nursultan Nazarbaev halyqty biriktiretin til ekenine nazar aýdartty, dep habarlaıdy QazAqparat tilshisi.

«Qazaq halqy polıetnıkalyq qoǵamdy shoǵyrlandyratyn ıntegratsııalyq protsessterdiń arqaýyn qalyptastyrdy. Búkil álemde solaı jasalady, til barlyǵyn biriktiredi. Máselen, amerıkalyqtar myńdaǵan halyqtan quralǵan. Biraq, olardy aǵylshyn tili biriktirip otyr», - dedi QHA-nyń HHІH sessııasyn ashqan Elbasy.

QR Tuńǵysh Prezıdenti álemniń barlyq elinde halyqty til biriktiretinin basa aıtty.

«Buǵan qosa, biz elimizdegi etnostardyń mádenıetin, tilin damytý úshin qajetti barlyq jaǵdaıdy qamtamasyz ettik. Sonyń aıasynda qazaqstandyqtar ortaq maqsatymyzdyń jáne ortaq umtylysymyzdyń tóńiregine toptasty. Árqaısysy bizdiń birligimizdi, ózara qurmetimizdi, otanshyldyq pen jaýapkershiligimizdi nyǵaıtýǵa úles qosty», - dedi Nursultan Nazarbaev.