Barlyǵymyz bizdiń Prezıdentimizdiń komandasynda qalýymyz kerek, jáne bul eń mańyzdysy - K.Másimov
QR Prezıdenti Nursultan Nazarbaev QR Premer-Mınıstriniń otstavkasyn qabyldady. Konstıtýtsııaǵa sáıkes, Premer-Mınıstrdiń qyzmetinen bosatylýy búkil Úkimet ókildiginiń joıylǵanyn bildiredi. Memleket basshysynyń Jarlyǵyna sáıkes, Úkimet óz mindetterin jańa Mınıstrler kabınetiniń bekitilýine deıin atqarady.
Úkimettiń sońǵy otyrysynda sóz sóılegen Kárim Másimov Elbasyna rızashylyǵyn bildirdi: «Men elimizdiń Prezıdentine maǵan osy jyldary artqan joǵary senimi úshin alǵysymdy bildirgim keledi».
Kárim Másimov sondaı-aq Úkimet múshelerine atqarylǵan jumystar úshin rızashylyǵyn jetkizdi.
«Biz el Prezıdentiniń ózimizge artqan joǵary senimin aqtaýǵa tyrystyq. Úkimettiń barlyq múshelerine birigip jumys istegen jyldar úshin alǵysymdy bildiremin. Barlyǵymyz bizdiń Prezıdentimizdiń komandasynda qalýymyz kerek, bul eń bastysy», - dep atap ótti K.Másimov.