Barlyǵy ıadrolyq otyndy bizden alady - Nursultan Nazarbaev
Prezıdenttiń aıtýynsha, ıadrolyq elektr stantsııalaryna qajetti otyndy óndirý úshin ýrandy 20 paıyzǵa baıytqan jetkilikti. Odan artyq bolyp ketse, ıadrolyq qarýǵa aınalady. Búginde ıadrolyq energııa men qarý úshin ýrandy baıytýdyń texnologııasy bir bolǵandyqtan, álemdik derjavalar bir-birine senbeıdi, ýrandy baıytý texnologııasyn barynsha baqylaýǵa tyrysady. Ondaı problemany Irannyń ıadrolyq baǵdarlamasy da aıqyn kórsetti. Al Qazaqstandaǵy ıadrolyq otyn bankinen kez kelgen memleket ıadrolyq stantsııaǵa qajetti shıkizatty ala alady. "Sondyqtan ıadrolyq otyn bankin ashý arqyly álem qaýymdastyǵy bizge senim bildirip otyr. Ondaı qyzmetti kez kelgen memleketke berip jatqan joq. Sebebi bárin birdeı baqylaı almaısyń. Ýrandy baıytýdyń texnologııasyn bári biledi. ıAdrolyq bombany jasap shyǵarýy ábden múmkin. Al otyn banki bir jerde bolsa, ıadrolyq qaýipsizdik te, tynyshtyq ta bolady", - dep atap kórsetti Memleket basshysy.
Aıta keteıik, óz suxbatynda Memleket basshysy bıýdjet aqshasy bankterge ne úshin berilip jatqanyn da túsindirdi. Óz sózinde Memleket basshysy BTA bankin eske aldy. Budan bólek, Nursultan Nazarbaev qaltaly azamattardy oralmandarǵa kómek berýge úndedi. Prezıdenttiń oıynsha, úlken qalalarda elektromobılderdi kóptep júrgizý kerek . Sondaı-aq, suxbat kezinde Memleket basshysy "Astana" qarjy ortalyǵynyń paıdasyn qarapaıym tilde túsindirdi.
