Barlyǵy qoǵam men el máselelerin sheshýge baǵyttalǵan – Aıdos Sarym Prezıdent Joldaýy týraly
«QazAqparat» halyqaralyq aqparat agenttiginiń baspasóz ortalyǵynda ótken saraptamalyq talqylaýda Aıdos Sarym Qasym-Jomart Toqaevtyń bıylǵy Joldaýynyń ereksheligi nede ? degen suraqqa jaýap berdi.
«Ótken jylǵy jáne bıylǵy Joldaýlardy salystyryp qarar bolsaq - bıylǵy Joldaý búgingi kúnniń ózekti degen máselelerin kóterýmen erekshelendi. Pandemııa kóp nárseni ózgertti, qaıta rettedi. Bılik te ózine, óz qabiletteri men múmkindikterine senimdi bola tústi. Ótken jylǵa toqtalsaq, memlekettiń áleýmettik mindettemeleriniń aıasy keńeıdi. Ótken jyly elimizde muǵalimderdiń, dárigerlerdiń jalaqysy kóterilse, bıyl mundaı shara azamattyq qyzmetkerler – arhıv, mýzeı, kitaphana jáne basqa da sanattaǵylar úshin de qarastyryldy», - dedi Aıdos Sarym.
Májilis depýtaty pandemııanyń áli de jalǵasyp jatqanyn jáne onyń qashan aıaqtalary belgisiz ekenin atap ótti.
«Degenmen bılik tek bolǵan oqıǵalarǵa jaýap qatyp, orta merzimdi strategııalyq máselelerdi qoıýdan bólek, jańa kún tártibin qalyptastyrýǵa tyrysýda jáne ony áleýmettik jeliler nemese qoǵam basqasha qabyldaıdy degen qorqynyshsyz jasap jatyr. Jeke ózime unaǵany – qazir eshqandaı megajoba joq. Barlyǵy adamǵa, qoǵamǵa, eldegi ózekti máselelerdi sheshýge baǵyttalǵan. Joldaý syndarly túrde bizdiń azamattardyń óte úlken sanattary aınalasynda qurylǵan. Munda strategııalyq máseleler óte jaqsy túsindirilgen», - deıdi spıker.
Sondaı-aq, Aıdos Sarym ótken jylǵy pandemııada aıryqsha bebı-bým bolǵanyn atap ótti.
«Byltyr elimizde 420 myńnan astam bala dúnıege keldi. Bıyl odan da kóp bolmaq. Demek, eki jylda-aq bizde mıllıonǵa jýyq jas azamat bolady. Jaqynda ǵana 19 mıllıonynshy shekti eńserdik. Qazir memleket barlyǵyn aldyn-ala oılastyryp jatyr. Úkimet baǵdarlamasynda 800 mektep qurylysy týraly jazylǵan edi. Al endi memleket 20 jyldyq perspektıvanyń mindetterine júıelirek áreket etýge tyrysýda», - deıdi A. Sarym.
Depýtattyń aıtýynsha, memleket óziniń áleýmettik mindettemelerin arttyryp keledi.
«Biz bilikti kadrlar daıarlaı alatyn bilim men ǵylym salasyn qurýǵa umtylýymyz kerek. Sondyqtan bılik qazir problemalar týraly aıtyp qana qoımaıdy, óziniń kún tártibin berýge, durys kontekst pen dıskýrs qalyptastyrýǵa tyrysady», - dep qorytyndylady Májilis depýtaty.
Aıta keteıik, «QazAqparat HAA» AQ baspasóz ortalyǵynda QR Prezıdenti Joldaýynyń negizgi baǵyttary týraly saraptamalyq talqylaý ótip jatyr.
Jıynǵa QR Parlamenti Májilisiniń depýtaty Aıdos Sarym, Eýropalyq quqyq jáne adam quqyqtary saraptamalyq ınstıtýtynyń dırektory Marat Báshimov, QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń múshesi ıÝlııa Kýchınskaıa qatysýda.
