Barlyq júrgizýshilerge kólikterin gazǵa aýystyrmaýǵa keńes beremin – Sátqalıev

Energetıka mınıstri Almasadam Sátqalıev kólik júrgizýshilerin avtomobılderin gazǵa aýystyrmaýǵa keńes berdi, dep habarlaıdy Kazinform.

«Jyldyń basynda ishki naryqta 124 myń tonna kóleminde suıytylǵan munaı gazyn óndirip, jetkizý josparlanǵan edi. Al is júzinde qazanda tutyný kólemi 144 myń tonnaǵa jetip, jospardan 20 myń tonnaǵa artyp ketti. Jetkizilimdi qamtamasyz etý úshin Teńizshevroıl kompanııasymen kúrdeli kelissóz júrgizýge týra keldi», - dedi mınıstr BAQ ókilderine arnalǵan baspasóz máslıhatynda.

Onyń atap ótýinshe, suıytylǵan munaı gazynyń baǵasy naryqqa saı kelmeıdi ári shyǵyndy.

«Qazaqstanda baǵa eń tómen jáne bul jaǵdaı uzaq saqtalmaıdy. Barlyq kólik júrgizýshilerine avtomobılderin suıytylǵan munaı gazyna aýystyrýǵa keńes bermeımin. Óıtkeni, baǵa óse beretin bolady. Mınıstrlik baǵanyń kúrt ósýine jol bermeıdi. Biraq eger eksport tapshylyǵy týyndasa, onda avtogaz baǵasy ımporttyq baǵaǵa saı bolady», - dedi Almasadam Sátqalıev.