Barlyq referendým ýchaskesinde daýys berý aıaqtaldy

ASTANA. KAZINFORM - Barlyq referendým ýchaskesinde daýys berý aıaqtaldy. Bul týraly Ortalyq referendým komıssııasy tóraǵasynyń orynbasary Konstantın Petrov aıtty.

«Qazaqstan Respýblıkasyndaǵy barlyq referendým ýchaskesinde daýys berý aıaqtaldy. Ýchaskelik komıssııa daýystardy sanaýǵa kiristi. Qoldanystaǵy zańnamaǵa sáıkes, referendým ýchaskelerindegi daýystardy sanaý ýaqyty daýystardy sanaý bastalǵan sátten 12 saǵattan aspaýy tıis. Aýmaqtyq komıssııalar erteń tańerteń Ortalyq referendým komıssııasyn baılanystyń elektrondy arnalary arqyly daýys berýdiń aldyn ala qorytyndysy men sanaq nátıjesin habarlaıdy», - dedi Konstantın Petrov.

Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys berip jatyr.

Respýblıkalyq referendým bıýlleteninde bir ǵana saýal bolady:

– Siz Qazaqstanda atom elektr stantsııasyn salýǵa kelisesiz be ?

Daýys berýshi jaýaptyń eki nusqasynyń birin tańdaıdy:

– «Iá, kelisemin» nemese, «Joq, kelispeımin».

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.

Aıta keteıik, 20:00-degi jaǵdaı boıynsha 7 820 918 azamat bıýlleten aldy. Bul tizimge engizilgen azamattardyń 63,87 paıyzyn quraıdy.