Barlyq referendým ýchaskelerinde daýys berý aıaqtaldy

ASTANA. KAZINFORM – Barlyq referendým ýchaskelerinde daýys berý aıaqtaldy. Bul týraly Ortalyq referendým komıssııasy tóraǵasynyń orynbasary Muhtar Erman málim etti.

- Ortalyq referendým komıssııasy Qazaqstan Respýblıkasyndaǵy barlyq referendým ýchaskelerinde daýys berý aıaqtalǵanyn habarlaıdy. Ýchaskelik komıssııalar daýystardy sanaýǵa kiristi. Qoldanystaǵy zańdar normalaryna sáıkes referendým ýchaskelerinde daýystardy sanaý ýaqyty daýystardy sanaý bastalǵan sátten bastap, on eki saǵattan aspaýy tıis, - dedi Muhtar Erman.

Onyń dereginshe, respýblıkanyń 9 126 850 azamaty bıýlleten aldy. Ol tizimge engizilgen azamattardyń 73,24 paıyzyn qurady.

- Referendýmnyń aldyn ala qorytyndylary arnaıy habarlanatyn bolady. Onyń ýaqyty qosymsha habarlanady, - dedi komıssııa tóraǵasy.

Osyǵan deıinrespýblıka boıynsha referendým barysynda 9 126 850 azamat daýys bergeni týraly jazdyq.