Barlyq mektepte «Ulttyq oıyndar kerýeni» respýblıkalyq aktsııasy ótedi
ASTANA. KAZINFORM — 20 naýryz kúni elimizdiń barlyq mektebinde Naýryz merekesine oraı «Ulttyq oıyndar kerýeni» atty respýblıkalyq mektep aktsııasy uıymdastyrylady. Bul týraly Oqý-aǵartý mınıstrliginiń baspasóz qyzmeti habarlady.
Іs-sharaǵa 1–11 synyp oqýshylary, pedagogter jáne ata-analar qaýymdastyǵynyń ókilderi qatysady.
Aktsııa ulttyq sport túrleri men dástúrli oıyndardy keńinen nasıhattaýǵa, oqýshylardyń dene shynyqtyrýǵa degen qyzyǵýshylyǵyn arttyrýǵa, sondaı-aq jas urpaqtyń boıynda qazaq halqynyń mádenı murasy men salt-dástúrlerine degen qurmetti qalyptastyrýǵa baǵyttalǵan.
«Ulttyq oıyndar kerýeni» elimizdiń barlyq óńirlerinde Astana ýaqytymen saǵat 10:00–de bastalady. Bul bastama ulttyq dástúr sabaqtastyǵyn dáriptep, oqýshylardy ortaq mádenı qundylyqtar tóńireginde biriktirýge múmkindik beredi.
Aktsııa aıasynda mektepterde ulttyq oıyndarǵa arnalǵan arnaıy alańdar uıymdastyrylyp, is-sharalar sporttyq-oıyn festıvali formatynda ótedi. Oqýshylar asyq atý, toǵyzqumalaq, arqan tartý, láńgi sııaqty ulttyq oıyndarǵa qatysyp, jas erekshelikterine beıimdelgen oıyndar men taqyryptyq estafetalarda baq synaıdy.
Kóktem merekesin atap ótý sharalary 12-23 naýryz aralyǵynda elimizdiń barlyq mektebinde ótýde. Bilim berý uıymdarynda taqyryptyq chellendjder, ekologııalyq aktsııalar, ulttyq oıyndar men mádenı-tanymdyq is-sharalar uıymdastyrylyp jatyr.
Aıta ketelik Almatyda Naýryz meıramynda qaıda barýǵa bolatynyn jazǵyna edik.
