Kináliler jaýapqa tartylady - Almaty oblysynyń ákimi Talǵardaǵy jaǵdaı týraly
QONAEV. KAZINFORM - Eńbekshiqazaq aýdany, Azat aýylyndaǵy órtke jáne Talǵar aýdanyndaǵy jaǵdaıǵa baılanysty Almaty oblysynyń ákimi Marat Sultanǵazıev jedel shtab otyrysyn ótkizip, shuǵyl jıyn ótkizdi.
«Biz marqumnyń otbasyna kómektesý úshin bar kúshimizdi salamyz. Jaǵdaı baqylaýda, barlyq quqyq qorǵaý organdary kúsheıtilgen rejımde jumys istep jatyr. Zańdylyqty qamtamasyz etý úshin shuǵyl sharalar qabyldaý qajet. Barlyq kináliler jaýapqa tartylady», - dedi Marat Sultanǵazıev.
Sondaı-aq oblys basshysy órtengen úıdi tolyq qalpyna keltirýdi tapsyrdy.
«Otbasyǵa materıaldyq jáne psıhologııalyq kómek kórsetiledi», - dep atap ótti ákim.
Eske salaıyq, buǵan deıin 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz.
Al búgin osy janjalda balasy qaıtys bolǵan otbasynyń úıi órtendi. Bul jaǵdaıdan keıin otbasy polıtsııa qyzmetkerleriniń qorǵaýyna alyndy.
QR Bas prokýratýrasy qylmysty ashý úshin vedomstvoaralyq jedel-tergeý toby qurylǵanyn habarlady.
