Barlyq habarlandyrý júıesi shtattyq rejımde jumys istedi — Almaty ákimdigi
ALMATY. KAZINFORM — Almaty ákimdigi jer silkinisinen keıin qala turǵyndary men qonaqtaryn sabyr saqtap, qutqarý qyzmetteriniń nusqaýlaryn oryndaýǵa úndedi.
— Barlyq habarlandyrý júıesi shtattyq rejımde jumys istedi: turǵyndardyń telefondaryna Mass Alert júıesi arqyly habarlamalar jiberildi, qala boıynsha daýys zoraıtqysh arqyly eskertý sırenalary qosyldy, — delingen habarlamada.
Ákimdiktiń málimetinshe, saýda ortalyqtary men mektepter, kolledjder, JOO men qoǵamdyq oryndarda evakýatsııa qalypty jaǵdaıda ótti. Algorıtmge sáıkes, adamdar ǵımarattardan syrtqa shyqty. Úreı týdyrǵan jaǵdaılar baıqalǵan joq.
Eske salaıyq, Almatyda búgin, 4 jeltoqsanda jer silkindi.
Jer asty dúmpýiniń oshaǵy Almatydan ońtústik-shyǵysqa qaraı 277 shaqyrym qashyqtyqta, Qytaı aýmaǵynda ornalasqan. Magnıtýdasy MPV 6.7, tereńdigi — 5 shaqyrym. Almatyda dúmpýler MSK-64 shkalasy boıynsha 3 ball deńgeıinde sezildi.
