Barlyq deńgeıdegi máslıhattar jańaratyn bolady – Prezıdent Jarlyqqa qol qoıdy
ASTANA. KAZINFORM — Memleket basshysy barlyq deńgeıdegi máslıhattardyń ókilettigin merziminen buryn toqtatý týraly Jarlyqqa qol qoıdy. Bul týraly Aqordanyń baspasóz qyzmeti habarlady.
Qazaqstan Respýblıkasy Konstıtýtsııasynyń 88-babynyń 5-tarmaǵyna, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 101-babynyń 3-tarmaǵyna, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasy Zańynyń 23-babynyń 2-tarmaǵyna sáıkes QAÝLY ETEMІN:
1. Barlyq deńgeıdegi máslıhattardyń ókilettigi merziminen buryn toqtatylsyn.
2. Qazaqstan Respýblıkasynyń Ortalyq saılaý komıssııasy barlyq deńgeıdegi máslıhattar depýtattaryn kezekten tys saılaýdy taǵaıyndaý, ony daıyndaý men ótkizýdi uıymdastyrý jónindegi sharalardy qabyldasyn.
3. Qazaqstan Respýblıkasynyń Úkimeti, Astana qalasynyń, oblystardyń, Almaty jáne Shymkent qalalarynyń ákimderi barlyq deńgeıdegi máslıhattar depýtattaryn kezekten tys saılaýdy uıymdastyrýshylyq, materıaldyq-tehnıkalyq jáne qarjylyq qamtamasyz etý jónindegi sharalardy qabyldasyn.
4. Osy Jarlyq jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q.Toqaev
Astana, Aqorda, 2026 jylǵy 12 qazan
№ 1521
