«Barlyǵy qyzyl»: Almaty kóshelerinde 10 baldyq keptelis qalyptasty
ALMATY. KAZINFORM — Elimizdiń ońtústik astanasynda keptelis kúsheıdi.
Almatyda keshki keptelistiń bolýy qalypty jaǵdaıǵa aınaldy. Alaıda búgin megapolıs kóshelerindegi kólik qozǵalysy tipti qıyndaǵan. 2GIS kartasynyń málimetine sáıkes, qalada keptelis deńgeıi 10 ball boldy. Qalanyń barlyq negizgi kósheleri «qyzyl» jáne tipti «qoıý qyzyl» túspen boıalǵan.
Aıta keteıik, almalyqtar tek jol ústinde emes, qoǵamdyq kólik pen metroda adamdardyń keptelisi bolyp jatqanyn áleýmettik jelide jazyp jatyr.
Birneshe kún buryn Almatyda jaýyn-shashyn saldarynan LRT qurylysy júrip jatqan kóshelerde jol oıyldy. Turǵyndar osy sebepti kóshede keptelis paıda bolyp, avtobýstardyń jańbyrly kúni aıaldamaǵa kelmeı jatqany týraly jazdy.
Keıin Almatydaǵy taǵy birneshe kóshede jol opyrylyp, kólikter shuńqyrǵa túskeni belgili boldy.
