«Barystyń» QHL-dyń jańa maýsymyna daıyndyǵy qashan bastalady
ASTANA. KAZINFORM - Elordalyq «Barys» komandasynyń jańa maýsym aldyndaǵy daıyndyq jospary belgili boldy.
Oqý-jattyǵý jıynynyń negizgi bóligi Astana qalasynda ótedi. Aldymen medıtsınalyq komıssııa tekserýinen keıin ekijaqty kelisimshartqa qol qoıǵan hokkeıshiler 15 shildeden bastap daıyndyqqa kirisedi. Al 1 tamyzdan bastap birjaqty kelisimshartqa qol qoıǵan hokkeıshiler olardyń qataryna qosylady.
Elordalyq komanda 26-29 tamyz aralyǵynda Reseıdiń Magnıtogorsk qalasyndaǵy halyqaralyq «Ivan Romazan memorıaly» týrnırine qatysady.
Al 1 jáne 2 qyrkúıek kúnderi elordada «Barys Arenada» Reseıdiń «Sıbır» komandasymen baqylaý oıynyn ótkizedi.
Sondaı-aq 3-6 qyrkúıek aralyǵynda Qurlyqtyq hokkeı lıgasynyń 2025-26 jylǵy maýsymyna sońǵy daıyndyq bolady. Chempıonattyń turaqty kezeńiniń bastalýy 7 qyrkúıekke belgilengen. Bul kúni elordalyq komanda Reseıdiń «Traktor» (Chelıabi) komandasyn qabyldaıdy.
Eske salsaq, shaıbaly hokkeıden Qazaqstan kýbogy qashan ótetini belgili boldy.