«Barys» SKA komandasynan jeńilip qaldy

ASTANA. KAZINFORM - Qazaqstandyq «Barys» komandasy búgin, ıaǵnı 8 jeltoqsanda Qurlyqtyq hokkeı lıgasyndaǵy kezekti oıynyn Reseıde SKA (Sankt-Peterbýrg) komandasyna qarsy ótkizedi.

Qazaqstandyq komanda qatarynan jeti oıynda jeńilistiń aşy dámin tatty. Jarystyń pleı-off satysyna shyǵý úshin elordalyq klýb árbir kezdesýde jeńiske jetýge kúsh salýy tıis.

Kezdesý barysynda komandalar tartysty oıyn ótkizdi. Ekeýiniń de alǵashqy bolyp esep ashýyna múmkindik bar edi. Dese de sáttilik reseılik klýbqa serik boldy. 

Oıynnyń 13-mınýtynda reseılik klýbtan Arsenıı Grıtsıýk soqqan gol kezdesý taǵdyryn sheshti.

Osylaısha elordalyq klýb qarsylasyna 0:1 esebimen ese jiberdi.

Eki komanda buǵan deıin 31 márte kezdesken. Onyń 7-eýi elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.

Aıta ketsek, elordalyq klýb budan keıingi úsh oıynyn qatarynan syrt aıdynda ótkizedi.

Aldymen 17 jeltoqsanda Reseıde «Dınamo» (Máskeý) komandasymen kezdesse, odan keıin 19 jeltoqsanda qytaılyq «Kýnlýn Red Star» (Beıjiń), 21 jeltoqsanda «Traktor» (Chelıabi) klýbtarymen sheberlik baıqasady.