«Barys» - «Sıbır»: QHL oıynynyń tikeleı kórsetilimin qaıdan kórýge bolady

ASTANA. KAZINFORM – Búgin Astanada Qurlyqtyq hokkeı lıgasynyń (QHL) turaqty chempıonatynyń matchy ótedi, onda «Barys» Novosibirdiń «Sıbır» komandasyn qabyldaıdy, dep habarlaıdy Sports.kz. 

«Barys» - «Sıbır» kezdesýiniń tikeleı kórsetilimi Qazaqstan ýaqyty boıynsha saǵat 19:00-de bastalady, ony «Qazsport» telearnasynan kórýge bolady. 

Qazirgi kezde «Barystyń» enshisinde 13 upaı (15 kezdesý), al «Sıbırde» 12 upaı (13 kezdesý) bar. Turaqty chempıonattardyń sońǵy oıynynda «Barys» óz alańynda Nıjnıı Novgorodtyń «Torpedosynan» 5:3 esebimen jeńilip qaldy. Bul Astana klýbynyń QHL-da qatarynan besinshi ret jeńilýi: Mıhaıl Kravetstiń komandasy buǵan deıin ıAroslavldiń «Lokomotıvine» (1:5), Novosibirdiń «Sıbırıne» (býllıt boıynsha 0:1), qazandyq «Ak Barsqa» (3:4) jáne Chelıabiniń «Traktoryna» (qosymsha ýaqytta 2:3) ese jibergen bolatyn. Al «Sıbır» sońǵy oıynda Nıjnekamsk «Neftehımıkimen» syrt alańda býllıtte 3:2 esebimen jeńiske jetti.