«Barys» sapyndaǵy Qazaqstan quramasynyń eki qaqpashysy jaraqat aldy

ASTANA. KAZINFORM - Elordalyq «Barys» hokkeı komandasy negizgi úsh qaqpashysyz qalyp otyr.

Aldymen Nıkıta Boıarkın jaraqattan birneshe aıǵa oıynǵa qosyla almaıtyn boldy. Bul jóninde agent Shýmı Babaev óziniń áleýmettik jelidegi paraqshasynda jazdy.

Odan keıin Andreı Shýtovtyń elordada «Sıbırmen» ótken kezdesýinde alǵan jaraqatyna baılanysty ony birinshi kezeńnen keıin Arkadıı Shestakov almastyrdy.

Nıkıta Boıarkın men Andreı Shýtov Qazaqstan ulttyq quramasynda oıyn kórsetedi. Nıkıta Boıarkın 2025 jylǵy álem chempıonatyna bara almaıtyny belgili bolsa, Andreı Shýtovtyń qashan jaraqatynan aıyǵatyny belgisiz.

Sondaı-aq baspasóz máslıhaty barysynda «Barys» komandasynyń bas bapkeri Ǵalym Mámbetálıev maýsym sońyna deıin shvetsııalyq qaqpashy ıÝhan Mattsson jaraqatyna baılanysty qatardan shyǵyp qalǵanyn atap ótti.

Qazir «Barys» komandasy Qurlyqtyq hokkeı lıgasy turaqty kezeńinde 33 upaımen 23-orynda keledi. Elordalyq ujym pleı-off satysyna shyǵýdan shet qalyp qoıdy.

Endi «Barys» QHL-dyń turaqty kezeńinde alty oıyn ótkizedi. Aldymen 8 naýryzda elordada Reseıdiń TsSKA (Máskeý) komandasymen kezdesse, odan keıin Reseıde 13 naýryzda «Admıral» (Vladıvostok), 15 naýryzda «Amýr» (Habarovsk), 17 naýryzda «Sıbır» (Novosibir) klýbtarymen oınaıdy.

Al elordada 20 naýryzda Reseıdiń «Ak bars» (Qazan), 22 naýryzda «Salavat ıÝlaev» (Ýfa) klýbtarymen kezdesedi.

Eske salsaq, budan buryn «Barys» astanada «Sıbırden» basym tústi.