«Barys» sapyna kanadalyq shabýylshy Maıkl Maklaýd qosyldy

ASTANA. KAZINFORM — «Barys» hokkeı komandasy kanadalyq shabýylshy Maıkl Maklaýdpen 2025 jyldyń 31 mamyryna deıin kelisimshartqa qol qoıdy.

26 jastaǵy hokkeıshi Ulttyq hokkeı lıgasynda «Nıý-Djersı» komandasy sapynda 300-ge jýyq oıyn ótkizgen. 

Byltyr «Devılz» sapynda UHL-da 45 oıynda 10 shaıba soǵyp, 9 nátıjeli pas berdi.

Sondaı-aq budan buryn elordalyq klýb sapyna Ýeıd Ellıson keldi. Ýeıd Ellıson hokkeıshilik mansabynyń barlyq bóligin Soltústik Amerıka lıgalarynda ótkizgen.

Olardyń qatarynda «Fıladelfııa», «Lıhaı Vellı Fantoms», «Lıhaı Vellı Fantoms» klýbtary bar.

Bıyl astanalyq klýb Qazaqstan Prezıdenti kýbogyna qatysady.

Halyqaralyq týrnır 14-18 tamyz aralyǵynda elordada ótedi. 

Týrnırge qatysýshylar qataryna «Barystan» basqa reseılik «Amýr» (Habarovsk), «Lada» (Tolıattı) komandalary bar.

Sondaı-aq oǵan aldaǵy olımpıadalyq irikteýdiń fınaldyq kezeńine daıyndalatyn Qazaqstan quramasy qatysady.