«Barys» sapyna kanadalyq qorǵaýshy qosyldy

ASTANA. KAZINFORM - «Barys» hokkeı klýby kanadalyq tájirıbeli qorǵaýshy Taıler Ýozerspýnmen birjaqty kelisimshartqa qol qoıdy.

Kelisim bir maýsymǵa eseptelgen. Ol 2026 jyldyń 31 mamyryna deıin kúshinde bolady.
Tájirıbeli hokkeıshi AHL-de 700-den astam match ótkizgen, sondaı-aq UHL-de 36 oıynǵa qatysqan. 2022 jyly Ýozerspýn Kanada quramasynyń sapynda Beıjiń Olımpıadasyna qatysty.

Ótken maýsymda ol «Laval Roket» komandasynda oıyn kórsetti. Onda 79 kezdesýde (onyń ishinde pleı-offtaǵy 7 oıynda) 2 shaıba soǵyp, 16 nátıjeli pas berdi.

Bıyl elordalyq komanda buǵan deıin AQSh hokkeıshileri Adam Shıl, Ien Makkosh, Maıkl Vekkone, Raılı Ýolsh, Taıs Tompson, Meıson Morellı, kanadalyq Djeık Massı syndy hokkeıshilermen kelisimshartqa qol qoıdy.

Qazir segiz oıynnan keıin «Barys» 7 upaımen týrnır kestesinde 19 orynda keledi. 

Endi elordalyq klýb aldaǵy úsh oıynyn Astanada ótkizedi. Aldymen 27 qyrkúıekte Reseıdiń «Sıbır» (Novosibir) komandasymen oınasa, 29 qyrkúıekte «Admıral» (Vladıvostok), 1 qazanda «Lokomotıv» (ıAroslavl) komandalarymen kezdesedi.

Eske salsaq, buǵan deıin «Barys» qatarynan tórtinshi márte jeńilistiń aşy dámin tatty.