«Barys» sapyna amerıkalyq shabýylshy qosyldy
ASTANA. KAZINFORM - Elordalyq «Barys» sapyna amerıkalyq hokkeıshi Cheız De Leo qosyldy.
Bul jóninde komandanyń baspasóz qyzmeti habarlady. Amerıkalyq shabýylshymen jasalǵan kelisim-shart birjaqty jasalǵan jáne bir maýsymǵa eseptelgen.
Cheız De Leo búkil mansabyn Soltústik Amerıkada ótkizgen. 2014 jyldan bastap «Vınnıpeg Djets», «Anahaım Daks» komandalarynda oınady.
Bıyl elordalyq klýb qataryn birqatar sheteldik hokkeıshiler tolyqtyrdy. Olardyń arasynda shvetsııalyq qaqpashy ıÝhan Mattsson, qorǵanysta Natan Bole, amerıkalyq Ýıll Batcher, reseılik Nıkıta Kamalov, Vıktor Antıpın, shabýyl shebinde kanadalyq Ýeıd Ellıson, Konnor Smıt pen Maıkl Maklaýd, belarýstik Vladıslav Kodola, reseılik Damır Jafıarov, Anton Býrdasov jáne basqa da sportshylar bar.
Qazaqstandyq komanda Qurlyqtyq hokkeı lıgasyndaǵy alǵashqy eki oıynynda jeńilip qaldy.
Atalǵan týrnırde komandalar 2024 jyldyń 3 qyrkúıegi men 2025 jyldyń 31 mamyry aralyǵynda saıysqa túsedi. Jyldaǵy dástúrmen turaqty kezeńde alǵashqy 16 orynǵa ıe bolǵan ujymdar Gagarın kýbogynda saıysqa túsýge múmkindik alady.
