«Barys» reseılik klýbtan Dmıtrıı Breýsti jalǵa aldy

ASTANA. KAZINFORM - Elordalyq «Barys» komandasynyń quramyn Reseıdiń «Torpedo» (Nıjnıı Novgorod) hokkeı klýbynda oınaǵan qazaqstandyq qorǵaýshy Dmıtrıı Breýsti tolyqtyrdy. 

Jalǵa alý merzimi bir maýsymǵa jasaldy. ıAǵnı hokkeıshi 2026 jyldyń 31 mamyryna deıin elordalyq klýb sapynda óner kórsetedi.

Astanalyq komandanyń jańa maýsymǵa oqý-jattyǵý jıynynyń negizgi bóligi Astanada ótip jatyr. Aldymen medıtsınalyq komıssııa tekserýinen keıin ekijaqty kelisimshartqa qol qoıǵan hokkeıshiler 15 shildeden bastap daıyndyqqa kiristi. Al 1 tamyzdan bastap birjaqty kelisimshartqa qol qoıǵan hokkeıshiler olardyń qataryna qosyldy.

Aıta ketsek, budan buryn elordalyq klýbpen AQSh hokkeıshisi Ien Makkosh, Djeık Massı, reseılik ıÝrıı Paýtov, Vladımır Volkov, Emıl Galımov, qazaqstandyq Kırıll Panıýkov, Kırıll Savıtskıı, Batyrlan Muratov, Roman Starchenko kelisimshartqa qol qoıdy. 

Qazaqstandyq klýb Qurlyqtyq hokkeı lıgasyndaǵy jańa maýsymda alǵashqy úsh oıyndy elordada ótkizedi. Aldymen 7 qyrkúıekte Reseıdiń «Traktor» (Chelıabınsk) komandasymen kezdesse, odan keıin 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) klýbtarymen sheberlik baıqasady.

Bıyl «Barys» Qurlyqtyq hokkeı lıgasynda sátsiz oıyn kórsetti. Shyǵys konferentsııasynda 12 oryn alyp, 68 oıynnan keıin nebári 35 upaı jınady.