«Barys» Reseıdegi «Ivan Romazan memorıaly» týrnırine qatysady

ALMATY. KAZINFORM — Bul týrnır Reseıdiń Magnıtogorsk qalasynda 26-29 tamyz aralyǵynda bolady.

Oǵan jergilikti «Metallýrg» komandasynan bólek sol qalanyń taǵy bir klýby«Magnıtka», Ýfanyń «Salavat ıÝlaev» astanalyq «Barys» komandasy aınalmaly júıe boıynsha ózara kezdesedi.

«Barys» komandasynyń oıyndar kestesi (Astana ýaqytymen):

26 tamyz, 15:00. Barys» — «Magnıtka»

27 tamyz, 15:00. «Barys» — «Salavat ıÝlaev»

29 tamyz, 19:00. «Metallýrg» — «Barys».

Aıta ketsek, bıyl astanalyq «Barys» hokkeı klýby bas bapkeri qyzmetine reseılik maman Mıhaıl Kravets taǵaıyndaldy. 

Qazaqstandyq klýb Qurlyqtyq hokkeı lıgasyndaǵy jańa maýsymda alǵashqy úsh oıyndy elordada ótkizedi. Aldymen 7 qyrkúıekte Reseıdiń «Traktor» (Chelıabınsk) komandasymen kezdesse, odan keıin 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) klýbtarymen sheberlik baıqasady. 

Bıyl «Barys» Qurlyqtyq hokkeı lıgasynda sátsiz oıyn kórsetti. Shyǵys konferentsııasynda 12 oryn alyp, 68 oıynnan keıin nebári 35 upaı jınady.

Jańa maýsymǵa oqý-jattyǵý jıynynyń negizgi bóligi Astana qalasynda ótip jatyr. Aldymen medıtsınalyq komıssııa tekserýinen keıin ekijaqty kelisimshartqa qol qoıǵan hokkeıshiler 15 shildeden bastap daıyndyqqa kiristi.

Al 1 tamyzdan bastap birjaqty kelisimshartqa qol qoıǵan hokkeıshiler olardyń qataryna qosyldy.