«Barys» Reseıde «Salavat ıÝlaevtan» jeńildi
Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Salavat ıÝlaev» (Ýfa) komandasyna qarsy ótkizdi, dep habarlaıdy Kazinform.
Bul qazaqstandyq maman Oleg Bolıakınniń elordalyq komanda bas bapkeri qyzmetindegi alǵashqy oıyny edi.
Kezdesý basynan qos komanda hokkeıshileri birden shabýylǵa kóshti. Nátıjesinde 8-mınýtta «Barys» sapynan Pontýs Oberg mergendik tanytty.
Oǵan «Salavat ıÝlaev» hokkeıshisi Pavel Koledov 10-mınýtta bir shaıbamen jaýap qaıyrdy.
Al 11-mınýtta Entonı Kamara qaıtadan elordalyq klýbty alǵa shyǵarsa, 14-mınýtta reseılik Nıkolaı Kýlemın tarazy basyn teńestirdi.
Odan keıin reseılik komandadan Kıkolıa Melosh 23, Egor Sýchkov 26-mınýtta eki shaıba soqsa, elordalyq komandadan Arkadıı Shestakov 44, Evgenıı Rymarev 54-mınýtta kózdegen nysanadan múlt ketken joq.
Oıynnyń 57-mınýtynda Nıkolaı Kýlemın qorytyndy esepti belgiledi.
Osylaısha «Barys» qarsylasyna 4:5 esebimen ese jiberdi.
Aıta ketsek, astanalyq klýb bıylǵy maýsymdy sátsiz ótkizip keledi. Sońǵy 10 oıynnyń nebári tórteýinde jeńiske jetti.
Endi elordalyq komanda aldaǵy oıynyn Reseıde 21 jeltoqsanda «Neftehımık» (Nıjnekamsk) komandasyna qarsy ótkizedi.
