«Barys» overtaımda «Traktorǵa» ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 9 qazanda Qurlyqtyq hokkeı lıgasyndaǵy kezekti oıynyn Reseıde «Traktor» (Chelıabi) komandasyna qarsy ótkizdi.

Kezdesý barysynda komandalar tartysty oıyn ótkizdi. Kezdesý barysynda elordalyq klýbtan Maksım Mýhametov 1-mınýtta esep ashsa, oǵan reseılik klýbtan Andreı Svetlakov 22-mınýtta bir golmen jaýap qaıyrdy.

Oıynnyń 32-mınýtynda Semen Sımonov qaıtadan «Barysty» alǵa shyǵarsa, «Traktor» sapynan Aleksandr Kadeıkın tarazy basyn teńestirdi.

Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda reseılik klýbtan Mıhaıl Grıgorenko jeńis shaıbasyn soqty.

Osylaısha qazaqstandyq klýb qarsylasyna 2:3 esebimen ese jiberdi.

Eki komanda buǵan deıin 57 márte kezdesken. Onyń 29-y elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Elordalyq klýb bes oıynyn elordada ótkizedi. Aldymen 12 qazanda Reseıdiń «Torpedo» (Nıjnıı Novgorod) komandasyn qabyldasa, odan keıin 14 qazanda «Sıbır» (Novosibir), 16 qazanda «Avangard» (Omby), 18 qazanda «Ak bars» (Qazan), 24 qazanda «Amýr» (Habarovsk) klýbymen sheberlik baıqasady.