«Barys» mınskilik «Dınamodan» basym tústi

ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Belarýstiń «Dınamo» (Mınsk) komandasyna qarsy ótkizdi.

Bıylǵy maýsymdy sátsiz ótkizip jatqan qazaqstandyq klýb úshin árbir oıynnyń mańyzy artyp tur. Sondyqtan alǵashqy mınýttan shabýylǵa kóńil bólgen komanda dittegen maqsatyna jete almaı jatty. Esesine óziniń qaqpasyna gol jiberip aldy.

Oıynnyń 18-mınýtynda «Dınamo» sapynan Krıs Tırnı esep ashyp ketti. Birinshi kezeńde elordalyq komanda tarazy basyn teńestirýge umtyldy. Alaıda olardyń tarapynan dáldik jetispedi.

Ekinshi kezeńde eki komandanyń da múmkindigi az bolǵan joq. Nátıjesinde 34-mınýtta áriptesi Álıhan Ásetovten pas alǵan Álıhan Ómirbekov bul múmkindigin golǵa aınaldyryp ketti.

Al 59-mınýtta «Barys» sapynan Kırıll Panıýkov jeńis shaıbasyn soǵyp ketti.

Osylaısha elordalyq klýb qarsylasynan 2:1 esebimen basym tústi. Bul - komandanyń bas bapker Ǵalym Mámbetálıevtiń jetekshiligimen qol jetkizgen alǵashqy jeńisi.

Endi elordalyq klýb aldaǵy oıynyn 23 qazanda Reseıde «Sıbır» (Novosibir) komandasyna qarsy ótkizedi.

Eske salsaq, budan buryn elordalyq klýb «Barys» Reseıde «Lokomotıvten» jeńilip qaldy.