«Barys» «Kýnlýn Red Star» komandasynan jeńilip qaldy

ASTANA. KAZINFORM — Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn Qytaıdyń «Kýnlýn Red Star» (Beıjiń) komandasyna qarsy ótkizdi.

Bıyl atalǵan týrnırde qazaqstandyq komandanyń joly bolar emes. Sońǵy toǵyz kezdesýdiń nebári bireýinde ǵana jeńiske jetken elordalyq klýb týrnır kestesinde sońǵy oryndardyń birine mise tutyp tur.

Qatarynan segiz márte jeńilistiń aşy dámin tatqan «Barys» bul joly da jankúıer senimin aqtaıdy degen oı bolǵan edi. Kezdesý barysynda qytaılyq klýbtan Marten Lefevr 10-mınýtta mergendigimen kózge tústi. Al Parker Fý 28-mınýtta basymdyqty arttyryp, óz múmkindigin múlt jibergen joq.

Osylaısha «Barys» qarsylasyna 0:2 esebimen ese jiberdi. Endi elordalyq klýb taǵy bir oıynyn syrt aıdynda ótkizedi. Olar 21 jeltoqsanda Reseıdiń «Traktor» (Chelıabi) klýbtarymen sheberlik baıqasady.

Odan keıingi eki kezdesýinde «Barys» Astanada oınap, 24 jeltoqsanda Reseıdiń «Traktor» (Chelıabi), 26 jeltoqsanda «Sıbır» (Novosibir) komandalarymen sheberlik baıqasady.

Eske salsaq, budan buryn elordalyq komanda máskeýlik «Dınamony» jeńip, sátsizdik serııasyn toqtatty.