«Barys» komandasy elordada «Traktormen» kezdesedi
Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Traktor» (Chelıabi) komandasyna qarsy ótkizedi, dep habarlaıdy Kazinform.
Kezdesý búgin, 30 jeltoqsan kúni, elorda ýaqytymen saǵat 14:00-de bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 54 márte kezdesti.
Onyń 30-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.
Týrnır kestesinde «Barys» 44 oıynnan keıin 35 upaımen 21-orynda tur.
Al «Traktor» 45 oıynnan keıin 55 upaımen 10-orynda keledi.
Aıta ketsek, astanalyq klýb bıylǵy maýsymdy sátsiz ótkizip keledi.
Sońǵy 10 oıynnyń nebári tórteýinde jeńiske jetti.
Eske salsaq, budan buryn «Barys» hokkeıshileri qatarynan ekinshi márte jeńiske jetti.
