«Barys» komandasy búgin «Lokomotıvpen» kezdesedi

Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Lokomotıv» (ıAroslavl) komandasyna qarsy ótkizedi, dep habarlaıdy Kazinform.

Kezdesý búgin, 3 qańtar kúni, elorda ýaqytymen saǵat 19:50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 31 márte kezdesti.

Onyń 10-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Týrnır kestesinde «Barys» 45 oıynnan keıin 37 upaımen 19-orynda tur.

Al «Lokomotıv» 44 oıynnan keıin 63 upaımen 2-orynda keledi.

Aıta ketsek, astanalyq klýb bıylǵy maýsymdy sátsiz ótkizip keledi.

Sońǵy 10 oıynnyń nebári tórteýinde jeńiske jetti.

Eske salsaq, budan buryn «Barys» aldaǵy tórt oıynǵa qatysatyn quramyn jarııalady.