«Barys» QHL-de qatarynan tórtinshi ret jeńildi

ASTANA. KAZINFORM – Qurlyqtyq hokkeı lıgasynyń kezekti oıyn kúninde astanalyq «Barys» komandasy óz aıdynynda habarovskilik «Amýrmen» kezdesti.

Elordada ótken oıynda qazaqstandyq klýb 1:4 esebimen qarsylasyna ese jiberdi. 

«Barys» sapynan jalǵyz goldy ekinshi kezeńde Panıýkov soqty. Al «Amýr» quramynda Shvarev, Fılatev, Ýrakov jáne Gızdatýllın mergendik tanytty.

Aıta keteıik, bul – elordalyq komandanyń qatarynan tórtinshi jeńilisi. Tórt kezdesýdi de astanalyqtar óz aıdynynda ótkizdi. 

Qazirgi tańda «Barys» 34 upaımen QHL-dyń Shyǵys konferentsııasynda 9-orynda tur.

Mıhaıl Kravets jattyqtyratyn qazaqstandyq ujym kelesi oıynyn 30 jeltoqsanda «Avangardqa» qarsy ótkizedi.

Eske sala keteıik, buǵan deıin «Barys» búgin elordada «Amýrmen» kezdesetinin jazǵanbyz.