«Barys» qazaqstandyq 12 hokkeıshimen kelisimshartqa qol qoıdy

ASTANA. KAZINFORM — «Barys» qazaqstandyq birqatar hokkeıshimen kelisimshartqa qol qoıdy.

«Барыс» хоккей клубы
Фото: «Барыс» хоккей клубы

Mundaı múmkindikke ıe bolǵandar arasynda ótken maýsymda komanda quramynda oıyn kórsetken Beıbarys Orazov, Kırıll Nıkıtın, Mádı Dıhanbek, Rýslan Ospanov, Semen Sımonov, Kırıll Lıapýnov, Nıkolaı Shýlga syndy hokkeıshiler bar.

Sondaı-aq Djohar Dýdarkıev, Kırıll Kankın, Ádil Beısembaev, Asanáli Rýslanuly, Vladımır Korchagın komanda quramyn tolyqtyrady.

Elordalyq «Barys» komandasynyń Qurlyqtyq hokkeı lıgasy 2025-2026 jylǵy jańa maýsymyn qashan bastaıtyny belgili boldy.

Qazaqstandyq klýb jańa maýsymda alǵashqy úsh oıyndy elordada ótkizedi. Aldymen 7 qyrkúıekte Reseıdiń «Traktor» (Chelıabınsk) komandasymen kezdesse, odan keıin 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) klýbtarymen sheberlik baıqasady. 

Bıyl «Barys» Qurlyqtyq hokkeı lıgasynda sátsiz oıyn kórsetti. Shyǵys konferentsııasynda 12 oryn alyp, 68 oıynnan keıin nebári 35 upaı jınady.

Oqý-jattyǵý jıynynyń negizgi bóligi Astana qalasynda ótedi. Aldymen medıtsınalyq komıssııa tekserýinen keıin ekijaqty kelisimshartqa qol qoıǵan hokkeıshiler 15 shildeden bastap daıyndyqqa kirisedi. Al 1 tamyzdan bastap birjaqty kelisimshartqa qol qoıǵan hokkeıshiler olardyń qataryna qosylady.

Elordalyq komanda 26-29 tamyz aralyǵynda Reseıdiń Magnıtogorsk qalasyndaǵy halyqaralyq «Ivan Romazan memorıaly» týrnırine qatysady.

Сейчас читают