«Barys» qatarynan jetinshi márte jeńildi

ASTANA. KAZINFORM - Qazaqstandyq «Barys» komandasy búgin, ıaǵnı 5 qańtarda Qurlyqtyq hokkeı lıgasyndaǵy kezekti oıynyn Reseıdiń «Lada» (Tolıattı) komandasyna qarsy ótkizdi.

Qazaqstandyq komanda sátsizdik serııasyn toqtata alar emes. Búgingi oıynǵa deıin olar 15 kezdesýdiń nebári bireýinde jeńiske jetti. Qalǵanynda qarsylastaryna ese jiberip, týrnır kestesindegi jaǵdaıyn qıyndata tústi. Jankúıerler «Ladamen» oıynda sol olqylyqtyń ornyn toltyrýǵa kúsh salatynyna úmit artty. Reseılik klýb ta týrnır kestesinde «Baryspen» qatarlas tur.

Kezdesý barysynda qazaqstandyq komanda shabýylǵa shyqty. Degenmen dittegen maqsatyna jete alǵan joq. Esesine birinshi kezeńde óz qaqpasyna úsh gol jiberip aldy. 

Qalǵan eki shaıbany ekinshi jáne úshinshi kezeńde soqqan reseılik komanda senimdi túrde 3:0 esebimen basym tústi. Elordalyq klýb jetinshi oıyn qatarynan jeńiske jete alar emes.

Endi «Barys» aldaǵy oıynyn 7 qańtarda elordada Reseıdiń «Avtomobılıst» (Ekaterınbýrg) klýbyna qarsy ótkizedi.