«Barys» taǵy jeńildi
ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn elordada Reseıdiń SKA (Sankt-Peterbýrg) komandasyna qarsy ótkizdi.
Bıyl reseılik klýb jaqsy oıyn órnegimen kózge túsip keledi.
Týrnır kestesinde 60 oıynnan keıin 84 upaımen 4-orynda tur.
Pleı-off satysyna berilgen joldamany qaltaǵa basyp úlgerdi.
Esesine «Barys» jarystyń aldaǵy satysyna shyǵý múmkindiginen alystap ketti.
Týrnır kestesinde «Barys» 59 oıynnan keıin 44 upaımen 22-oryndy mise tutyp turǵan jaıy bar.
Búgingi kezdesý barysynda komandalar alǵashqy eki kezeńde esep asha alǵan joq.
Úshinshi kezeńdi qazaqstandyq komanda sátti bastady. Oıynnyń 41-mınýtynda «Barys» hokkeıshisi Nelson Noje mergendik tanytty.
Oıynnyń negizgi kezeńiniń bitýine nebári 52 cekýnd qalǵanda SKA hokkeıshisi Aleksandr Nıkıshın tarazy basyn teńestirip ketti.
Negizgi kezeńi 1:1 esebimen aıaqtalyp, oıyn overtaımǵa ulasty.
Overtaımda jeńimpaz anyqtalǵan joq. Býllıtte SKA komandasy jeńiske jetti.
Qazaqstandyq ujym budan keıingi oıynda elordada 10 aqpanda «Spartak» (Máskeý) klýbymen oınaıdy.
Eske salsaq, budan buryn «Barystyń» segizinshi jeńilisi jaıly jazǵan bolatynbyz.
