«Barys» qatarynan segizinshi márte jeńilip qaldy
ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn elordada Reseıdiń «Amýr» (Habarovsk) komandasyna qarsy ótkizdi.
Kezdesý barysynda komandalar tartysty oıyn ótkizdi. Alǵashqy eki kezeńde esep ashylǵan joq.
Komandalar óreskel qatelikke boı aldyrmaýǵa tyrysty.
Sondyqtan dóreki qımylymen kózge túsip, aıdynnan qýylmaýǵa tyrysty.
Birinshi kezeńde Krıstıan Henkel ǵana 11-mınýtta osyndaı qımylymen kózge tústi.
Oıynnyń 54-mınýtynda «Amýr» hokkeıishisi Vladıslav Barýlın mergendik tanytsa, Dmıtrıı Shevchenko 59-mınýtta qorytyndy esepti belgiledi.
Osylaısha elordalyq klýb qarsylasyna 0:2 esebimen ese jiberip, qatarynan segizinshi márte jeńilistiń aşy dámin tatty.
Aıta ketsek, «Barys» atalǵan qarsylasynan eki kún buryn 2:3 esebimen jeńilip qalǵan edi.
Eki komanda buǵan deıin 50 márte kezdesken.
Onyń 29-y elordalyq klýbtyń basymdyǵymen aıaqtalsa, qalǵan oıyndarda reseılik komanda jeńiske jetti.
Týrnır kestesinde «Barys» 58 oıynnan keıin 44 upaımen 22-orynda tur.
Al «Amýr» 59 oıynnan keıin 58 upaımen 17-orynda keledi.
Elordalyq klýb sońǵy 10 oıynnyń toǵyzynda qarsylastaryna ese jiberdi.
Qazaqstandyq ujym budan keıingi eki oıyndy da elordada ótkizedi.
Aldymen 8 aqpanda SKA (Sankt-Peterbýrg), 10 aqpanda «Spartak» (Máskeý) klýbtarymen oınaıdy.
