«Barys» qatarynan on birinshi márte jeńilip qaldy
ASTANA. KAZINFORM - Qazaqstandyq «Barys» komandasy búgin, ıaǵnı 19 qańtarda Qurlyqtyq hokkeı lıgasyndaǵy kezekti oıynyn Reseıde «Lokomotıv» (ıAroslavl) komandasyna qarsy ótkizdi.
Qatarynan on márte jeńilistiń aşy dámin tatqan elordalyq klýb týrnır kestesinde sońǵy oryndy mise tutyp tur. Al reseılik klýb bıyl sátti oıyn kórsetip, kósh basynda keledi.
Sondyqtan qazaqstandyq ujym úshin búgingi oıyn ońaıǵa soqpaıtyny belgili edi. Soǵan qaramastan birinshi kezeńde eki komanda bir-biriniń qaqpasynan sańylaý taba alǵan joq.
Ekinshi kezeńde alǵashqy mınýttan resıılik komanda belsendilikti arttyrdy. Nátıjesinde olardyń qatarynan Aleksandr Radýlov 20-mınýtta kózdegen nysanadan múlt ketken joq.
Odan keıin Baıron Freız 25-mınýtta mergendik tanytsa, 38-mınýtta Aleksandr Radýlov taǵy bir márte kózge tústi.
Osylaısha «Barys» qarsylasyna 0:3 esebimen ese jiberip, qatarynan on birinshi oıynda jeńilistiń aşy dámin tatty.
Aıta ketsek, elordalyq klýb budan keıingi eki oıynyn elordada ótkizedi. Aldymen 23 qańtarda Reseıdiń «Admıral» (Vladıvostok) komandasymen kezdesse, 26 qańtarda «Ak Bars» (Qazan) klýbymen oınaıdy.
