«Barys» qatarynan besinshi márte jeńilip qaldy

ASTANA. KAZINFORM - Qazaqstandyq «Barys» komandasy búgin, 7 qazanda Qurlyqtyq hokkeı lıgasyndaǵy kezekti oıynyn Reseıde «Avtomobılıst» (Ekaterınbýrg) komandasyna qarsy ótkizdi.

Kezdesýdi qazaqstandyq klýb sátti bastady. Oıynnyń birinshi kezeńinde olar qatarynan eki shaıba soǵyp ketti. Qazaqstandyq Maksım Mýhametov 8-mınýtta esep ashsa, 10-mınýtta Maıkl Maklaýd basymdyqty arttyrdy. Odan keıin reseılik klýbtan Nık Ebert 14-mınýtta mergendik tanytty.

Komandalar ekinshi kezeńde bir-biriniń qaqpasynan sańylaý taba alǵan joq.

Úshinshi kezeńde «Barys» hokkeıshisi Stanıslav Bocharov 46-mınýtta gol soqqanymen, odan keıin reseılik klýbtan Semen Kızımov 46, Anatolıı Golyshev 52, Brendan Laıpsık 54-mınýtta úsh shaıba engizdi.

Osylaısha elordalyq klýb qarsylasyna 3:4 esebimen ese jiberip, jańa maýsymdaǵy 12-shi jeńilistiń aşy dámin tatty. Komanda besinshi oıyn qatarynan jeńiske jete alar emes.

Qazaqstandyq komanda budan keıingi eki oıynyn elordada ótkizedi. Aldymen 10 qazanda Reseıdiń «Avangard» (Omby) klýbymen kezdesse, odan keıin 16 qazanda «Salavat ıÝlaev» (Ýfa) sheberlik baıqasady.