«Barys» qaqpashysy men «Metallýrg» qorǵaýshysy QHL-de úzdik atandy
ASTANA. KAZINFORM — Qazaqstan hokkeı quramasynyń oıynshylary Andreı Shýtov pen Valerıı Orehov Qurlyqtyq hokkeı lıgasynyń (QHL) qazan aıyndaǵy sımvolıkalyq quramyna endi, dep habarlaıdy Kazinform tilshisi.
Lıga baspasóz qyzmetiniń málimetinshe, «Barys» klýbynyń 28 jastaǵy qaqpashysy Andreı Shýtov aıdyń úzdik qaqpashysy atandy. Ol eki matchta qaqpasyna birde-bir shaıba jibermeı, «Spartak», «Sıbır», «Avangard», «Avtomobılıst», mınskilik «Dınamo» jáne «Shanhaı Dregons» komandalaryna qarsy jeńisti oıyndarǵa eleýli úles qosty.
Al Reseıdiń «Metallýrg» klýbynda óner kórsetetin qorǵaýshy Valerıı Orehov osy kezeńde tórt shaıba soǵyp, alty nátıjeli pas berdi.
Qazan aıynyń úzdik oıynshylary qataryna «Barystyń» amerıkalyq shabýylshysy Djastın Beılı de endi. Ol 10 upaı jınap, bes shaıba soǵyp, bes nátıjeli pas berdi.
Aı qorytyndysy boıynsha qazaqstandyq klýb Shyǵys konferentsııasynda úshinshi orynǵa turaqtady.
Eske salaıyq, buǵan deıin hokkeıden Azııa chempıonatyna qatysatyn Qazaqstan quramasynyń tizimi anyqtalǵanyn jazǵan edik.
